اقتراحات فنيو الاشعه بمصر - شارك معنا برأيك

اعتقد ان جميع حقوق الفنيين مهضومه ولابد من مراجعتها

أعتقد أن الموضوع بحاجه الى تنسيق و اتخاد مواقف جماعيه لتوصيل صوت الفنيين و مطالبهم المشروعه لأن الحكومات فى مصر لا تسمع إلا من هم أكثر نفيرا أما المواقف الفرديه فلن تجدى و أول طريق الأصلاح هو تكوين هده النقابه الوليده و التى لا بد من الألتفاف حولها فى كل ما تتخده من مواقف لصالح أعضائها و أولها الدعوى لأضراب يوم 25 /9 و الله الموفق

احنا قلنا كتير بس لازم نححق مطالبنا وعشان الناس تعرف قميتنا احنا لازم نعمل وقفة احتجاجية ف كل مستشفيات مصر عشان الناس تعرف قميتنا ونبين دورنا ف المؤسسالت الصحية وما يضعش حقنا كده على طول يجب ان نقف يدا واحده
لازم نحاول نوصل الخبر ده لكل الفنيين على مستوى الجمهوريه وان شاء الله نحدد يوم ونعلن فيه حريتنا وحقوقنا

فات وقت كتير قوى على كلامنا ومن زمان بنقول حنعمل ونسوى
فين اللى احنا عملناه وفين الجديد اللى توصلناله بعيد عن النقابة علشان حيبقى فيه نقابات مهنية لجميع المهن يعنى كانت كده كده حتتعمل
فين الزيادات فى المرتبات اسوة بالاطباء
فين الوفد اللى منا اللى راح يقابل الوزير زى الاطباء
انا خايف ليكون الوزير ميعرفش حاجة اسمها فنى دلوقتى

خلينا احنا نايمين فى العسل وكل واحد مظبطلو شغل خاص وراضى بالمهانة والزل اللى هو فيه هو ميعرفش انه بيشتغل عند الدكتور اللى هو معاه وفى اى لحظة ممكن الدكتور يشوطه بره
هى دى السلبية اللى انا بتكلم فيها
ياريت نفوق يا جماعة وندور على حقوقنا قبل فوات الاوان

والله يا جماعة الظاهر علينا حنعيش ونموت كدة بتوع كلام بس
العيب مش فى المسئولين ولا فى النظام ولافى اى حاجة من دول لان دى كلها حاجات من اختيارنا احنا
للاسف العيب الحقيقى فينا احنا وفى السلبية اللى احنا فيها
عليه العوض

اخوانى الاعزاء
اخاطبكم باسم جميع الفنيين الصحيين بمحافظة مطروح
اقول لكم وفقكم الله فى جهودكم العظيمة اتجاه الاصلاح
حان الوقت ان تعلو اصوات الحق دون الخوف من اى شئ كما حان الوقت ان تستمع الجهات المسؤلة الى مطالبنا وتسعى الى تنفيذها
الان المطلب الاساسى لدى الفنيين فى مطروح كما هو الحال فى اى مكان اخر هو (تسوية المؤهل)ليكون مؤهل عالىوتغيير اسم المعهد الفنى الصحى الى كلية علوم طبية تطبيقية او المعهد العالى الصحى
تاتى فى المنزلة الثانية (زيادة حوافز الفنيين اسوة بالطباء)حيث ان دور الفني لايقل اهمية عن دور الطبيب
الاهتمام الكامل بالفنيين المقيمين من حيث توفير السكن لهم وزيادة حافزهم ليدفعهم ذلك للاستقرار فى تلك الاماكن ومن وجهة نظرى لو تحقق هذا المطلب الاخير لن تواجه المناطق النائية مشكلة العجز فى الفنيين
فنحن هنا فى مطروح 50 فنى اشعة منهم 7 فقط مستقرين والباقى يسعى للنقل

فلابد ان نحث المسئولين على تحقيق هذه المطالب فى اسرع وقت ممكن

يا ريت نعمل وقفة علشان يعرفوا قيمتنا ويدونا حقوقنا

نعم انا راى من راى الاخوه وهى ان نوقف العمل لمده يوم على مستوى الجمهوريه وننتظر مذا يحدث [size=12]

كل الكلام اللى يقال من قبل الاخوة الافاضل الفنيين المشتركين فى الموقع صحيح ولا يوجد حاليا قيمة للفنى بالمستشفى او المنشأة الطبية وانا فنى اشعة حديث التخرج كنت اتوقع ان الفنى هو درع هام بالمستشفى ولكن اتضح لى العكس بعد مااستلمت الشغل.ياريت النقابة دى تتأسس بسرعة عشان نعرف ناخد حقنا ياجماعة

السلام عليكم
منذ ان سمعت وزير الصحه وهو يقول ان المستشفى هى عباره عن طبيب وممرضه فقط متجاهل جميع من يعمل بالمستشفى من فنيين وعمال وادريين وانا اعلم اننا مهمشين .
اعرف ان كثيرا منكم سيقول ياه انت قديم قوى لكن الحقيقه انى جديد ، فانا حديث التخرج وكنت منبهر بالمعهد وكنت اظن ان الفنى له قيمه عاليه باى مستشفى لكن اتضح لى العكي .
والمشكله انه كما اشار أ/ ابراهيم الشيخ الى اننا ليس لنا من يطالب بحقنا واذا كان الوزير المنوط بنا لا يعترف بنا فماذا نطلب اذا من الحكومه
-برأيى يجب أولا ان يتم الاعتراف بنا من الجهه المنوطه بنا اى وزارة الصحه ومن ثم يمكننا ان نكمل لو استطعنا ان نفعل ذلك
والله يوفقكم